Cuppulata d'Hermann

À prupositu di Wikipedia
Andà à: Navigazione, Ricerca
A cuppulata d'Hermann
Testudo hermani 2.JPG
testudo hermanni
Classificazioni scentifica
Regnu Animalia
Divisioni Chordata
Classa Reptilia
Ordini Testudines
Famiglia Testudinidae
Genaru testudo
Nomu binuminali
Testudo hermanni
Linnaeus, 1753
Testudo hermani 1.JPG

A cuppulata d'Hermann (testudo hermanni) (in Castagniccia a chjamanu a testughjine) (o cuperchjata d'Hermann) hè un rettile di u generu testudo. Hè una testughjine di terra, chì si trova in particulare in Italia, nu u Sud di a Francia, in Corsica, in Catalogna, i Baleari, in Sardegna è in Cicilia. Si trova da u liturale sin'à 700 metri, ma raramente più sopra. U so culore hè neru è giallicciu. A testughjine d'Hermann pò campà sin'à 80 anni. U so pesu pò andà da 1 à 3 chilò. Una particularità: u mascu hè più chjucu chè a femina. A testughjine d'Hermann s'accoppia di veranu (di marzu o d'aprile) o à a fine di l'estate (di settembre o d'ottobre).

A testughjine d'Hermann hè unu di i rettili più miniacciati à u liveddu europeu. E pupulazioni sò assai diminuite in iSpagna, in Italia è in Francia cuntinentale. In Corsica è in Sardegna, a pupulazione si mantene più o menu. In Francia, a testughjine d'Hermann hè sparita da i Pirenei in 1960. Ne fermanu pochei nu u Var. A sparizione di a testughjine d'Hermann hè stata causata da l'incendii, e presi illecite, e custruzzioni smisurate nantu à u liturale è a calata di l'agricultura tradiziunale.

In Corsica[mudificà | edità a fonte]

Testudo hermanni5.JPG

A sottuspezia di testughjine d'Hermann chì hè prisente in Corsica hè: testudo hermanni hermanni. Si trova da vicinu à u mare sin'à 600 metri. À spessu, a testughjine d'Hermann hè ligata à i suvereti. A testughjine d'Hermann hè minacciata di sparizione in Europa. In Corsica, a pupulazione hè più impurtante in Pumonte (in particulare nu u Vallincu è nu e parti di Portuvechju) chè in Cismonti. Si trova in piaghja, à spessu vicinu à u litturale. A pupulazione di testughjine d'Hermann in Corsica si trova in parechji lochi: u Vallincu, Portu Vechju è Bonifaziu, a Piaghja, a Castagniccia, u golfu d'Aiacciu...

In Corsica, a minaccia pè a pupulazione di testughjini d'Hermann pò vene da a calata di l'agricultura è da l'incendii.

I predatori di a testughjine d'Hermann adulta sò i cani, i cignali è i topi. Trà i predatori di i giovanii, ci hè dinò a volpe, u ricciu, u corbu, a curnachja è a ghjandaghja.

A testughjine d'Hermann ghjughje à a maturità sessuale à l'età di 9 anni pè u mascu è à 10 anni pè a femina. L'accuppiamentu si face durante tuttu l'annu, ma più suvente di veranu o à a fine di a statina. L'ove sò poste nu un tufone chì dopu hè cupertu di terra.

Revisioni di a classifica[mudificà | edità a fonte]

Fin'à calchì annu fà, e duie sottuspezie ricunnisciute eranu classificate cum'è:

  • Testudo hermanni ssp. robertmertensi (Wermuth, 1952): a forma uccidentale
  • Testudo hermanni ssp. hermanni (Gmelin, 1789): a forma orientale

Per mutivi di priurità tassunomica attualmente sò state rinuminate in:

  • Testudo hermanni ssp. hermanni (Gmelin, 1789): a sottuspezia occidentale di testughjine d'Hermann, chì hè prisente in Corsica
  • Testudo hermanni ssp. boettgeri (Mojsisovics, 1889): a sottuspezia orientale di testughjine d'Hermann

Prutezzione[mudificà | edità a fonte]

A testughjine d'Hermann hè prutetta da:

  • a cunvenzione internaziunale di Washington (CITES) di 1973 chì pruibisce u cummerciu di e spezie di fauna è di flora minacciate di sparizione.
  • a cunvenzione di Berna, à u livellu europeu
  • a direttiva Habitat, à u livellu europeu
  • l'arrestatu ministeriale di u 22 lugliu 1993 in Francia

À vede dinù[mudificà | edità a fonte]

Rifarenzi[mudificà | edità a fonte]

Liami[mudificà | edità a fonte]

WikiLettera

'Ssu articulu hè in custruzzioni. Pudeti cuntribuiscia à a so redazzioni.