Cuppulata d'Hermann
From Wikipedia
|
|||||
|---|---|---|---|---|---|
 |
|||||
| testudo hermanni | |||||
| Classificazioni scentifica | |||||
| Regnu | Animalia | ||||
| Divisioni | Chordata | ||||
| Classa | Reptilia | ||||
| Ordini | Testudines | ||||
| Famiglia | Testudinidae | ||||
| Genaru | testudo | ||||
| Nomu binuminali | |||||
| Testudo hermanni Linnaeus, 1753 |
|||||
 |
|||||
A cuppulata d'Hermann (testudo hermanni) (o cuperchjata d'Hermann) hè un rettili di u gennaru testudo. Hè una cuppulata di terra, chì si trova in particulari in Italia, in u Sudu di a Francia, in Corsica, in Catalogna, i Baleari, in Sardegna è in Cicilia. Si trova da u litturali sin'à 700 metri, ma raramenti più sopra. U so culori hè neru è giaddicciu. A cuppulata d'Hermann pò campà sin'à 80 anni. U so pesu varieghja trà 1 è 3 kilò. Una particularità: u masciu hè più chjucu ca a femina. A cuppulata d'Hermann s'accoppia di branu (di marzu o d'aprili) o à fini di l'istatina (di sittembri o d'uttrovi).
A cuppulata d'Hermann hè unu di i rettili più miniacciati à u liveddu auropeu. I pupulazioni ani calatu mori in iSpagna, in Italia è in Francia cuntinintali. In Corsica, a pupulazioni si manteni più o menu. In Francia, a cuppulata d'Hermann hè sparita di i Pirenei in u sissanta. Ni ferma puchissimi in u Var. A sparizioni di a cuppulata d'Hermann hè stata incausata da l'incendii, i prilevamenti illegali, i custruzzioni smisurati annantu à u litturali è a calata di l'agricultura tradiziunali.
Cuntenutu |
[mudificà] In Corsica
A sottuspezia di cuppulata d'Hermann chì hè prisenti in Corsica hè: testudo hermanni hermanni. Si scontra da u cantu di u mari insin'à 600 metri. À spessu, a cuppulata d'Hermann hè asusciata incù i suvaricci. A Cuppulata d'Hermann hè minacciata di sparizioni in Auropa. In Corsica, a pupulazioni hè più impurtanta in Pumonti (in particulari in u Vallincu è in u rughjonu di Portivechju) cà in Cismonti. Si trova in piaghja, à spessu vicinu à u litturali. A pupulazioni di cuppulata d'Hermann in Corsica si trova in quattru loca: u Vallincu, Portu Vechju è Bonifaziu, a costa uriintali è u golfu d'Aiacciu.
In Corsica, a minaccia pà a pupulazioni di cuppulati d'Hermann pò vena da a calata di l'agricultura è di l'incendii.
I predatori di a cuppulata d'Hermann adulta sò i ghjacari, i cignali è i topa. Frà i predatori di i ghjovani, ci sò dinò a volpi, u ricciu, u corbu, a currachja è a ghjandaghja.
A cuppulata d'Hermann ghjugni à a maturità sessuali à l'ità di 9 anni pà u masciu è di 10 anni pà a femina. L'accupiamentu si faci duranti tuttu l'annu, ma più suventi di branu o à a fini di l'istatina. L'ova sò sposti in un tafonu chì dopu hè cuparta di terra.
[mudificà] Rivisioni di a classifica
Fin'à calchì anni fà, i dui sottuspezii ricunnisciuti erani classificati com'è:
- Testudo hermanni ssp. robertmertensi (Wermuth, 1952): a forma uccidentali
- Testudo hermanni ssp. hermanni (Gmelin, 1789): a forma uriintali
Par mutivi di priurità tassunomica attualmenti sò stati rinuminati in:
- Testudo hermanni ssp. hermanni (Gmelin, 1789): a sottuspezia uccidentali di cuppulata d'Hermann, chì hè prisenti in Corsica
- Testudo hermanni ssp. boettgeri (Mojsisovics, 1889): a sottuspezia uriintali di cuppulata d'Hermann
[mudificà] Prutizzioni
A Cuppulata d'Hermann hè prutetta da:
- a cunvinzioni internaziunali di Washington (CITES) di 1973 chì intardisci u cummerciu di i spezii di fauna è di flora minacciati di sparizioni.
- a cunvinzioni di Berna, à u liveddu auropeu
- a dirittiva Habitat, à u liveddu auropeu
- l'arristatu ministiriali di u 22 lugliu 1993 in Francia
[mudificà] Da veda dinò
[mudificà] Rifarenzi
- Testudo hermanni, Natura 2000
- A cuppulata d'Hermann - Tortue d'Hermann, Associu di l'amichi di u Parcu Naturali Rigiunali di Corsica
- Testudo hermanni, INPN
[mudificà] Liami
'Ssu articulu hè in custruzzioni. Pudeti cuntribuiscia à a so redazzioni.
