Cuppulata d'Hermann

À prupositu di Wikipedia
(Reindirizzamento da Cuppulata)
Andà à: Navigazione, Ricerca
A cuppulata d'Hermann
Testudo hermani 2.JPG
testudo hermanni
Classificazioni scentifica
Regnu Animalia
Divisioni Chordata
Classa Reptilia
Ordini Testudines
Famiglia Testudinidae
Genaru testudo
Nomu binuminali
Testudo hermanni
Linnaeus, 1753
Testudo hermani 1.JPG

A cuppulata d'Hermann (testudo hermanni) (o cuperchjata d'Hermann) hè un rettili di u gennaru testudo. Hè una cuppulata di terra, chì si trova in particulari in Italia, in u Sudu di a Francia, in Corsica, in Catalogna, i Baleari, in Sardegna è in Cicilia. Si trova da u litturali sin'à 700 metri, ma raramenti più sopra. U so culori hè neru è giaddicciu. A cuppulata d'Hermann pò campà sin'à 80 anni. U so pesu varieghja trà 1 è 3 kilò. Una particularità: u masciu hè più chjucu ca a femina. A cuppulata d'Hermann s'accoppia di branu (di marzu o d'aprili) o à fini di l'istatina (di sittembri o d'uttrovi).

A cuppulata d'Hermann hè unu di i rettili più miniacciati à u liveddu auropeu. I pupulazioni ani calatu mori in iSpagna, in Italia è in Francia cuntinintali. In Corsica e Sardegna, a pupulazioni si manteni più o menu. In Francia, a cuppulata d'Hermann hè sparita di i Pirenei in u sissanta. Ni ferma puchissimi in u Var. A sparizioni di a cuppulata d'Hermann hè stata incausata da l'incendii, i prilevamenti illegali, i custruzzioni smisurati annantu à u litturali è a calata di l'agricultura tradiziunali.

In Corsica[mudificà | edità a fonte]

Testudo hermanni5.JPG

A sottuspezia di cuppulata d'Hermann chì hè prisenti in Corsica hè: testudo hermanni hermanni. Si scontra da u cantu di u mari insin'à 600 metri. À spessu, a cuppulata d'Hermann hè asusciata incù i suvaricci. A Cuppulata d'Hermann hè minacciata di sparizioni in Auropa. In Corsica, a pupulazioni hè più impurtanta in Pumonti (in particulari in u Vallincu è in u rughjonu di Portivechju) cà in Cismonti. Si trova in piaghja, à spessu vicinu à u litturali. A pupulazioni di cuppulata d'Hermann in Corsica si trova in quattru loca: u Vallincu, Portu Vechju è Bonifaziu, a costa uriintali è u golfu d'Aiacciu.

In Corsica, a minaccia pà a pupulazioni di cuppulati d'Hermann pò vena da a calata di l'agricultura è di l'incendii.

I predatori di a cuppulata d'Hermann adulta sò i ghjacari, i cignali è i topa. Frà i predatori di i ghjovani, ci sò dinò a volpi, u ricciu, u corbu, a currachja è a ghjandaghja.

A cuppulata d'Hermann ghjugni à a maturità sessuali à l'ità di 9 anni pà u masciu è di 10 anni pà a femina. L'accupiamentu si faci duranti tuttu l'annu, ma più suventi di branu o à a fini di l'istatina. L'ova sò sposti in un tafonu chì dopu hè cuparta di terra.

Rivisioni di a classifica[mudificà | edità a fonte]

Fin'à calchì anni fà, i dui sottuspezii ricunnisciuti erani classificati com'è:

  • Testudo hermanni ssp. robertmertensi (Wermuth, 1952): a forma uccidentali
  • Testudo hermanni ssp. hermanni (Gmelin, 1789): a forma uriintali

Par mutivi di priurità tassunomica attualmenti sò stati rinuminati in:

  • Testudo hermanni ssp. hermanni (Gmelin, 1789): a sottuspezia uccidentali di cuppulata d'Hermann, chì hè prisenti in Corsica
  • Testudo hermanni ssp. boettgeri (Mojsisovics, 1889): a sottuspezia uriintali di cuppulata d'Hermann

Prutizzioni[mudificà | edità a fonte]

A Cuppulata d'Hermann hè prutetta da:

  • a cunvinzioni internaziunali di Washington (CITES) di 1973 chì intardisci u cummerciu di i spezii di fauna è di flora minacciati di sparizioni.
  • a cunvinzioni di Berna, à u liveddu auropeu
  • a dirittiva Habitat, à u liveddu auropeu
  • l'arristatu ministiriali di u 22 lugliu 1993 in Francia

Da veda dinò[mudificà | edità a fonte]

Rifarenzi[mudificà | edità a fonte]

Liami[mudificà | edità a fonte]

WikiLettera

'Ssu articulu hè in custruzzioni. Pudeti cuntribuiscia à a so redazzioni.