Cucina

À prupositu di Wikipedia
Tacuina sanitatis (XIV sec.)

A cucina hè l'inseme di e tecniche di preparazione di l'alimenti in u scopu di a so consomazione da esseri umani. Ci hè una grande diversità di e gastronomie tra u mondu, è u tempu, postu chi hè influenzata da è risorse locale, a cultura è e credenze, o ancu u stadu d'evoluzione di e tecniche.

A cucina ind'è i tempi antichi[mudificà | edità a fonte]

Clicatte qui pè leghjè l'articulu cumpiettu nant'a cucina antica

A parte di testi cunservati da l'Antiquità, o d'ugetti ritrovi durante sbulechi archeologichi, pudemu avè una idea di ciò ch'era a cucina di 'ssi tempi antichi.

A cucina tradiziunale[mudificà | edità a fonte]

A cucina tradiziunale hè a preparazione di piatti in u rispettu di a tradizione d'un rughjone. Esempii sò u cassoulet in u rughjone di Castelnaudary, a paella in Spagna o torna i storzapreti in Corsica.

Lista di qualchi ricette tradiziunale francese cunnisciute :

A cucina gastronomica[mudificà | edità a fonte]

A cucina gastronomica hè una cucina di lussu, simbolu di qualità. Impiega produtti «nobili» cume u caviar.

A nuvella cucina[mudificà | edità a fonte]

Esempiu di «nuvella cucina»

L'apelazione «nuvella cucina», impiegata digià in u 18u seculu pè traduce u rigettu di e tradizione anziane, rivene in l'anni 1970.

A nuvella cucina privileghja e cucere corte, è e salze legere. Incurage l'inventività è a messa in causa di l'alianze abituale di i produtti (carne è vinu rossu, pesciu è vinu biancu, ecc...)

Invece hè assai criticata, sopratuttu pè e so porzione ridutte, ha una influenza maiò nantu u restu di a gastronomia.

A cucina molecularia[mudificà | edità a fonte]

A cucina molecularia studia u materiu elementariu compunendu l'ingredienti, pè ottimizà e reazzione chimiche chi s'operanu in i mischji, e cucere, ecc... U so scopu hè di ammaistrà 'ssi fenomeni chimichi chi accadenu in a cucina.

A cucina corsa[mudificà | edità a fonte]

Cliccate qui pè leghjè l'articulu cumpiettu nant'à cucina corsa

Cucina corsa

A Corsica cunnosce una gastronomia propia à a so cultura, caracterisata da l'impiegu importante di castagne (farina castagnina, ecc...), di granu (cume in tutte e cucine occidentale), di carne purcina (cignale, carnugliu purcinu), è di latte (casgiu).

Esempii di ricette di cucina corsa sò :


Gastrunumia corsa

Aziminu Brocciu Brocciu passu Caccaveddu Canestra Canistreddi Canistronu Cionciula Cocciula Coppa Falculedda Fiadonu Figateddu Fittonu Frappi Friteddi castagnini Gnoccari Imbrucciata Inciuvuddata Ingeiata Inuliata Lonzu Lonzu tupinu Misgiscia Panzarotti Panzetta Panzetta rullata Pastasciutta Prisuttu Pulenta Salamu Suppa corsa Suppa di fasgioli Tagliarina Tianu di poma Trippetti Valetta Vastedda

Cucina è sucetà[mudificà | edità a fonte]

E ricette di cucina, ma ancu a manera di manghjà, cambianu d'un rughjone à l'astru, d'una cultura à l'astra. A cucina face dunque parte di l'imagine d'un paese è di a so cultura. Face parte ancu di a so identità naziunale cume patrimoniu culturale naziunale. A difusione di una cucina naziunale in u mondu è dunque un elementu di l'irradiamentu culturale di 'ssu paese. Esempii chi lu mostranu sò a cucina francese, americana (fast food) o torna taliana. A u cuntrariu, a cucina di qualchi paesi, cume u Regnu Unitu o a Russia, pertantu putenti ùn s'hè mai sparsa in lu mondu.

Di manera generale, a sociologia cunsidera a cucina cume un fenomenu privatu. Pertantu, dapoi u 20u seculu, a cucina hè diventatu ùn ugettu di a politica sanitaria (prublemi di «malbouffe», di obesità, ecc...).

A cucina hè ancu stata cunsiderata cume un arte.

Lochi[mudificà | edità a fonte]

I produtti culinarii si pudenu consumà in parechji lochi. U più spessu, si consumanu in casa soia, ma ci sò ancu i restoranti, e cantine, o i fast-food.

A tecnica[mudificà | edità a fonte]

Pè cucinà, ci volè à ammaistrà tecniche particularie, cume u cundiziunamentu di l'alimenti, a selezzione di i produtti, o ancu i modi di cucera.

Da vede dinò[mudificà | edità a fonte]

Ligami esterni[mudificà | edità a fonte]