Cheiluschisgiu

À prupositu di Wikipedia
Andà à: Navigazione, Ricerca
Un ziteddu incù u labbru livrinu

A cheiluschisgiu o labiuschisgiu hè una malfurmazioni cungenita duvuta à un'anumalia di sviluppu, cumunamenti è vulgaramenti cunnisciuta com'è labbru livrinu, ma incù un cunnotatu appena negativu. S'è u schisgiu, in più di u labbru, cuncerna ancu l'alviolu unghjivali, hè difinitu tandu com'è cheilugnatuschisgiu. Un' iputesa di natura statistica chì riguarda a dirivazioni di st' anumalia, metti in causa l'Herpes Labiali chì culparia u fetu intornu à u quartu mesi di gistazioni, trasmittendu sta malfurmazioni à u futuru neunatu.

Cheiluschisgiu[mudificà | edità a fonte]

Murfulugicamenti u labbru livrinu pò varià da una piccula incisura nantu à u labbru supiriori di u neunatu, finu à a so siparazioni cumpletta chì si stendi prima di u pavimentu di i fossi nasali. In genaru u labiuschisgiu s'accumpagna d'anumalii di i cartilagini è di l'ossa nasali, anumalii di i denti (assenza, difurmazioni, denti soprannumerarii).

À parti u fattori esteticu è i prublemi cunnessi incù a currighjizioni di i difetti di u linguaghju, 'ssa malfurmazioni, facilitendu a diviazioni di cibu in i vii rispiratorii, poni immediati prublemi par l'alimantazioni di u neunatu è par a prufilassia di l'infizzioni broncupulmunari da aspirazioni (in i pulmuniti ab ingestis u dannu à u tissutu pulmunari hè escinzialamenti incausatu da u cuntattu incù u cuntinutu gastricu, estremamenti acitu).

U trattamentu cunsisti in un intarventu di chirurgia plastica o mansiddu-facciali praticatu in generali à l'ità di un o dui mesa, incù una rivisioni di u prima intarventu riparativu à l'ità di 4-5 anni.

Labiupalatuschisgiu[mudificà | edità a fonte]

A fissurazioni labiali pò cuntinuà aldilà di u labbru è l'alviolu unghjivali, cuimplichendu ancu u palatu duru è dinò quiddu moddu. In stu casu, in u quali à u cheiluschisgiu s'aghjunghji u palatuschisgiu, si parla di cheilugnatupalatuschisgiu o labiupalatuschisgiu.

Fonti[mudificà | edità a fonte]

'Ss'articulu pruveni in parti o in tutalità da l'articulu currispundenti di a wikipedia in talianu.