Antone Leonardu Massiani
Antone Leonardu Massiani (1816-1888) hè un autore in lingua corsa. Hè natu in Nuvella in u 1816. Hà studiatu a medicina in Pisa. S'hè stallatu dopu in u so paese di Nuvella, cum'è medicu. L'opara principale di Anton'Leonardu Massiani hè stata u Viaghju in Ascu. Hè una puesia comica, cumposta da 114 terzine. U Viaghju in Ascu hè più cunnisciutu per via di u so sottutitulu: A cuccagna di Bazzicone. U Viaghju in Ascu hè statu publicatu per a prima volta in "Il Pescator di Chiaravalle", un ghjurnale bastiacciu. Hè statu stampatu dopu in a rivista "U Fucone", in u 1926. Infine, u Viaghju in Ascu fù publicatu in a rivista A Muvra, in u 1936. U pueta di Nuvella ci conta in u Viaghju in Ascu u so viaghju in u paese d'Ascu, accumpagnatu di u so sumere Bazzicone. L'usi di l'abitanti d'Ascu di l'epica sò discritti di manera ridicula, ma senza gattivezza. U puema hà avutu moltu successu in Niolu, in Balagna è in u Ghjunsani.
Anton'Leonardu Massiani morsi in Nuvella u 24 ferraghju di u 1888.
