Lepru corsu

À prupositu di Wikipedia
(Reindirizzamentu da Anthyllis hermanniae)
U lepru corsu
Anthyllis hermanniae
Classificazioni scentifica
Regnu Plantae
Divisioni Magnoliophyta
Classa Magnoliopsida
Ordini Fabales
Famiglia Fabaceae
Genaru Anthyllis
Nomu binuminali
Anthyllis hermanniae
Linnaeus, 1753

U lepru corsu (Anthyllis hermanniae) hè una pianta chì faci parti di a famiglia di i Fabaceae.

Discrizzioni[mudificà | edità a fonte]

U lepru corsu hè una pianta arbacea appartinendu à a famiglia di i Fabacées. Si caratterizeghja da i so piccioli addrizzati è ramificati, pudendu aghjunghja un'altezza da 30 à 60 centimi. U fustu hè brunu. Hè una pianta turtuosa, mori ramificata. I so casci sò cumposti da fuglioli stretti è lungarini, d'un verdi vivu. I fiora, ragruppati in infiuriscenzi à forma di gaspi, sò di culori rusulinu pallidu à viulettu chjaru. Pussedini una curolla à forma di sbarabattula, tipica di i pianti di a famiglia di i Fabaceae. U lepru corsu fiurisci d'aprili à ghjugnu. U lepru corsu hè una pianta ermafrudita. U so fruttu hè un currochjulu chì cunteni un graneddu solu, chì u so culori hè verdi bughju.

Ripartizioni[mudificà | edità a fonte]

U lepru corsu hè una spezia endemica di u bacinu mediterraniu. Omu a ritrova par u più in i righjoni di u sudu di l'Auropa, in particulari in iSpagna, in Francia, in Italia è in Grecia. Hè ancu prisenti in Africa subrana, in particulari in Algiria è in Tunisia. 'Ssa pianta affizziuneghja i terri calcarii è i zoni assuliati, tali i pratulini, i prata asciutti è i cuddini pitricosi.

U lepru corsu hè prisenti è cumunu in Corsica.[1]Si trova in muntagna media è alta. A sottuspezia prisenti in Corsica hè: Anthyllis hermanniae corsica. U lepru corsu piaci à i capri è à i pecuri.

Tassunumia[mudificà | edità a fonte]

U lepru corsu hè statu discrittu pà a prima volta da u butanistu svidesu Carl von Linné in 1753 in a so opara Species Plantarum. Apparteni à u genaru Anthyllis, chì ragruppa circa 50 spezii di pianti arbacei. Esistini parechji sottuspezii di Anthyllis hermanniae:

  • Anthyllis hermanniae hystrix (Willkomm ex Barceló): in Minorca
  • Anthyllis hermanniae melitensis: in Malta
  • Anthyllis hermanniae sicula: in Cicilia
  • Anthyllis hermanniae brutia: in Calabria
  • Anthyllis hermanniae japygica: Apulia in Italia
  • Anthyllis hermanniae: in Italia è in Sardegna
  • Anthyllis hermanniae corsica: in Corsica

Cunsirvazioni[mudificà | edità a fonte]

U lepru corsu hè una spezia chì hè attualmenti classificatu com'è priaccupazioni minori (LC) da l'Unioni internaziunali par a cunsirvazioni di a natura (UICN). Bench'è eddu possi essa lucalamenti minacciatu da a distruzzioni di u so ambienti naturali divuta à l'urbanisazioni è à l'agricultura intinsiva, ferma rilativamenti spartu in a so aria di ripartizioni. Eppuri, hè impurtanti di surviglià attentamenti l'evuluzioni di i so pupulazioni è di metta in campu di i misuri di cunsirvazioni apprupriati par prisirvà 'ssa spezia è u so ambienti.

Citazioni[mudificà | edità a fonte]

U lepru corsu hè citatu calchì volta in a litteratura in lingua corsa. Par esempiu in I buciuleddi d'Anghjulu Canarelli: O beddi si vo aviati vistu i cuscinedda di Gennartu, i mazzuli di Curu, di Coria, di Lepru Corsu, i brancona di Ghjineparu chì si scuzzulaiani, e tutti sti buciuleddi lighjeri schieti parfumati chi si mischiavani in un buciuliddumu ch’un capiu mancu più.

Rifarimenti[mudificà | edità a fonte]

  • Gamisans, Jacques, A flora endemica di Corsica, 1996, Edisud (in francesu)
  • U lepru corsu, telebotanica.org
  • Jeanmonod D. & Gamisans J. (2013) Flora Corsica (2 ed), Edisud.

Noti[mudificà | edità a fonte]

  1. Jeanmonod & Gamisans (2013).

Liami[mudificà | edità a fonte]

Altri prugetti[mudificà | edità a fonte]