Aluetu di Sudafrica

À prupositu di Wikipedia
(Reindirizzamentu da Aloe succotrina)
L'aluetu di Sudafrica
Aloe succotrina
Classificazione scentifica
Regnu Plantae
Divisione Magnoliophyta
Classa Liliopsida
Ordine Asparagales
Famiglia Aloeaceae
Generu Aloe
Nome binuminale
Aloe succotrina
Aiton, 1753
Aloe succotrina

L' Aluetu di Sudafrica (Aloe succotrina) hè una spezia di pianta chì face parte di a famiglia di l'Aloeaceae. Hè una spezia d'aluetu cultivata, chì hè uriginaria di Sudafrica. I so fiori sò rossi o arancini, è sò longhe 4 cm. Fiurisce in a siconda mità di l'invernata. L'aluetu di Sudafrica hè altu sin'à 1,5 metru, ma a so altezza media hè un metru.

U fiore di l'aluetu di Sudafrica

U nome « Aloe succotrina » face referenza à l'isula di Socotra, ma pruvene da un sbagliu chì hè statu fattu à l'iniziu in a determinazione di l'origine di 'ssa spezia d'aluetu. Ma à u principiu di u seculu XX, in u 1906, a so origine hè stata determinata incù precisione: pruvene infatti di a regione di u Capu in Sudafrica.

L'aluetu di Sudafrica hè cunsideratu cum'è a prima spezia d'aluetu chì fù introdutta cum'è pianta cultivata in Europa.

L'aluetu di Sudafrica, incù aloe africana, aloe arborescens, aloe vera barbadensis (più cunnisciutu à i ghjorni d'oghje cum'è aloe vera), aloe saponaria è aloe ferox, hè una di e 250 spezie d'aluetu chì sò usate in medicina.

Classifica[mudificà | edità a fonte]

Parechji sinonimi di Aloe succotrina sò:

  • Aloe perfoliata var. succotrina (Lam.) Aiton (1789).
  • Aloe soccotrina Garsault (1764)
  • Aloe perfoliata var. purpurascens Aiton (1789).
  • Aloe sinuata Thunb. (1794).
  • Aloe sinuata Willd. (1799)
  • Aloe purpurascens (Aiton) Haw. (1804).
  • Aloe soccotorina Schult. & Schult.f. (1829)

In Corsica[mudificà | edità a fonte]

'Ssa varietà cultivata d'aluetu hè assai cumuna in Corsica. E so qualità estetiche facenu ch'ella hè aduprata assai per l'urnamentu di e case.

Da vede dinù[mudificà | edità a fonte]